我媽咪常說：『做貓(即係話我o者！)好過做人！』哈，我又唔明嘞，點解人常常說：『做到隻狗咁』？又有首歌唱：『做隻貓做隻狗，好過做情人！』做貓做狗真係好過做人？
等我引用名人的看法，看你是否同意？
『貓是人類心靈的鏡子，狗是人類外形的鏡子。』─美國作家卡瑞爾(Winifred Carriere)
『人生很少有什麼事，會比受到一隻貓的歡迎更令人窩心。』─霍荷夫(Tay Hohoff)
『貓喜歡魚，但討厭弄溼腳。』─義大利格諺
我媽咪為何喜歡我？好簡單啫，她最欣賞的是我欣賞我自己，她常說：『接納人容易，接納自己難！』Ha-ha，她很仰慕我哩！
我怎樣接納自己D乜？你既然咁虛心，我就話過你知喇！
我接納自己是寄生貓。我很強『依附』，像嬰兒依附父母，因為人都有『被需要』。我也需要『被需要』，我們是給予彼此情感上的需要。所以我媽咪沒有我她會很慘的！
我接納自己無責任感。老實說，我都無權，何來有責？其實我是『逍遙一派』的傳人。好聽些是『出世』也！靜靜話你知，我捉老鼠可不是責任，只是我自己憎惡老鼠，我一見牠就心癢癢非得抓到牠不可。抓住牠來做甚麼？唏，就是為抓到牠而抓牠！
我接納自己不黏家。我喜歡周遊天下，你理得我的天下只在隔離左右吖？I like it. 所以我離家出走也不必大驚小怪，見識下啫。我鄭重聲明：這跟我媽咪對我好不好無關，更不是我對家的厭倦，你勿亂猜，離間我們的感情！
我接納自己固執。絕不委屈自己！所以我絕不會同狗做朋友，都無偈傾。同狗講就真係九唔搭八。牠的忠是蠢，牠的責任感、狗原則，累死自己。牠被人愚弄了，人都話『做到隻狗』咁喇。咪搞我！悶死隔離，唔啱咀形。我『出世』佢『入世』。
我接納自己保持距離。總之我不會害你，你也不用防我，只有『鼠輩』之流才需要防我。不要太親密，君子之交淡如水，安全些！
我接納自己木木地。我有感情，只是我太懂也不喜歡表達，而且我不濫情，更不到處留情。
我接納自己淡淡然。我是定而後能靜，靜而後能安，我是安逸祥和而已。
我接納自己溫良謙恭。在一般情況下！
我接納自己慵懶。你看我的臉就知喇，人很少能從我的神態去猜度我的心思，因為基本上我的心思就是沒有心思。食飽睡一睡勝過做元帥！
我接納自己無大志。我與世無爭，超然物外。我絕不好勇爭勝，不為面子而做。
我接納自己無防範。只求做隻太平貓，就不必城府喇，有食有住，乎復何求？
我接納自己肥。肥有甚麼不好？慘得過我肥得有型、肥得可愛、肥得輕盈、肥得靚啫！你唔恨得咁多囉！
其實，做貓既野，有咩所謂，上主造的係咁就咁囉，自己不接納自己，咪棧自己辛苦？何必呢？接納自己才懂接納人嘛，道理一字咁淺，我肥黃貓都識喇，你唔識？
忽然嬌吒咆哮：『你咁叫做接納？我話你自戀就真！你食咩野嚟吓？咁大口氣？你偷食大蒜呀？話我無咗你好慘？你再唔減肥，睇我劏唔劏咗你？』
肥黃貓：『走得快，好世界！……死嘞，走唔郁添。』